A V FEIRA DE CASTRELO DO VAL FOI UN ÉXITO
Un Municipio ourensán que toca co Parque Natural do Invernadoiro e que está enclavado no Val do Támega, onde a afección pola caza é, por historia e tradición, coñecida en toda Galicia.
Un acontecemento, por outra banda, que contou co respaldo das principais autoridades locais, estando presentes desde as primeiras horas da maña no recinto feiral...
Alcalde, Vicente Gómez García y María del Mar Valle Álvarez, Tenente de Alcalde, no momento de ser entrevistados.
Este mercado canino reuniu a máis de 2.000 persoas, entre afeccionados a caza, seguidores do mundo do can e curiosos. Así como arredores dun millar de cans de tódalas idades, razas e sexos..., achegados ata Castrelo do Val desde diferentes puntos de Galicia e do Norte de Portugal.
O programa iniciábase ás 9 da mañá coa apertura do recinto feiral, o que se accedía , previo control veterinario... Pouco despois, as 80 gaiolas que a organización dispuxo pra exposición dos animais, estaban xa ocupadas...
 |
| Bonita estampa |
E con esa inspección veterinaria para entrar o recinto..., a acostumada petición de información sobre dos exemplares que interesaban... e o regateo de sempre..., comezaba un animada compravenda. Mentres, un xurado anónimo efectuaba varios percorridos polo lugar en busca dos cadelos máis guapos co obxecto de confeccionar unha lista cos mellores individuos que logo serían premiados nos concursos de morfoloxía e de rehalas...
 |
| Milucho Parada coa sua muller e fillo |
Sen figurar no programa, unha das actividades que más agradou o persoal foi unha pequena exhibición de cans de mostra levada a cabo a media mañá polo criador vigués, Xavier Álvarez... Unha demostración que foi seguida con moito interese polos feirantes...
Referente ás negociacións, estas no foron moi numerosas, sendo os cachorros os individuos máis solicitados, vendéndose entre 50 e 150 euros cada individuo...
Aínda así, cabe salientar a venda dun grifón de tres anos, mercado por un cazador do Bierzo, polo que se pagaron 1.500 euros, e a oferta de 10.000 euros por un cadelo adulto propiedade do coñecido rehaleiro galego, Fandy.
 |
| O famoso rehaleiro "Fandy" con un dos seus cadelos |
As comidas campestres e o trasfego de vehículos polo pobo déronlle un aire de festa a este acontecemento, que tivo de epicentro nun día caloroso, a fresca alameda de “A Touza”, onde, por certo, a organización obsequiou aos asistentes con 50 empanadas feitas a base de carne de caza. ¡¡¡Exquisitas!!!.
Da organización responsabilizáronse as peñas de caza locais, “Os Cantineiros”, “Vilar” e “O Real”, as que contaron coa colaboración da Deputación de Ourense, o Plan OU 92, o Inorde e do Concello anfitrión, sendo o verdadeiro “alma mater”, Emilio Parada Cid, “Milucho”, ao que só cabe felicitar –o igual co resto de organizadores- polo bo facer e o éxito acadado.
 |
| Grupo de veciños e organizadores |
Dicir por último, que os moitos premios que había en xogo entregáronse pasadas as tres da tarde en presenza de numeroso público, e serviron para por o punto de remate a un mercado canino que xa é todo un referente en Galicia, tendo o futuro máis que asegurado...
 |
| Camada |
 |
| Ambiente |
 |
| Letreiro |
