TURISMO DE GALICIA
LEVA A NAVARRA A EXPOSICIÓN FOTOGRÁFICA ITINERANTE ‘VIA IACOBITANA’
§
A mostra poderase visitar ata
o 18 de maio na Casa da Cultura do municipio de Estella – Lizarra
§
Trátase dunha colección de
imaxes de fotógrafos galegos que percorreron a Ruta Xacobea para amosar a súa
visión particular e as sensacións que lles suxire o Camiño
§
A través destas imaxes,
contémplase o Camiño en diferentes épocas do ano, as súas variadas paisaxes e o
legado cultural que atesoura
Santiago- A Casa da Cultura do municipio de
Estella – Lizarra (Navarra) acolle unha exposición fotográfica sobre o Camiño
de Santiago, ‘Via Iacobitana’, ata o
vindeiro 18 de maio, organizada polo Xacobeo en colaboración con este municipio
navarro e a Asociación dos Amigos do Camiño de Santiago de Estella.
A mostra recolle imaxes de fotógrafos galegos que
percorreron a Ruta Xacobea para amosar a súa visión particular e as sensacións
que lles suxire o Camiño.
Todo este traballo forma parte xa do novo
legado iconográfico do xacobeo, que perpetua no tempo os instantes do Camiño.
A través destas imaxes, contémplase o Camiño
en diferentes épocas do ano, as súas variadas paisaxes e o legado cultural que
atesoura dende a óptica persoal do autor, que lle imprime personalidade.
Así, coas
imaxes propostas na mostra evidénciase a multiforme esencia do Camiño de
Santiago, o sentido xeneroso e aberto da peregrinación xacobea, así como, o seu
inesgotable poder de atracción.
A exposición está aberta ao público de martes
a venres, en horario de 18:30 a 20:30 horas, os sábados, de 12:00 a 14:00 e de
18:30 a 20:30 horas, e os domingos e festivos, de 12:00 a 14:00 horas.
No hay comentarios:
Publicar un comentario