O LUNS COMEZA A ÉPOCA DE PERIGO ALTO DE INCENDIOS FORESTAIS, QUE SE PROLONGA ATA O 30 DE SETEMBRO

• Esta medida faise efectiva de acordo co establecido pola normativa sobre prevención e defensa contra os lumes forestais en Galicia

O Diario Oficial de Galicia (DOG) publica hoxe unha Orde da Consellería do Medio Rural e do Mar pola que se determina a época de perigo alto de incendios. Mediante esta norma, para este ano 2013 declárase o período comprendido entre o 1 de xullo e o 30 de setembro como de perigo alto de lumes forestais.

A publicación desta Orde no DOG faise efectiva de acordo co establecido polo artigo 9 da Lei 3/2007, de 9 de abril, de prevención e defensa contra os incendios forestais de Galicia, modificada pola Lei 7/2012, do 28 de xuño, de montes de Galicia.

Esta norma establece que, en consideración aos antecedentes e datos históricos sobre o risco de aparición de incendios e sobre a incidencia das variables meteorolóxicas no comportamento do lume, a consellería con competencias en materia forestal definirá a época de perigo alto que condicionará a intensidade das medidas que se vaian adoptar para a defensa do territorio de Galicia.

A Consellería do Medio Rural e do Mar lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal.

A conselleira do Medio Rural e do Mar deu conta no Parlamento do Plan de Prevención e Defensa contra os Incendios Forestais de Galicia (PLADIGA)

O AVANCE NA COORDINACIÓN, O AUMENTO DA PROFESIONALIZACIÓN E A MELLORA DA CONCIENCIACIÓN CIDADÁ, CLAVES DO PLADIGA 2013

§        Destacou a existencia dun mando único para todo o operativo, integrado por máis de 7.000 efectivos

§        Incidiu na importancia da colaboración e coordinación coas diferentes administracións, en especial a local

§        Fixo fincapé na colaboración coa sociedade civil e explicou que o Pladiga estrutúrase en plans específicos de prevención, detección, disuasión e investigación, formación e extinción

A conselleira do Medio Rural e do Mar, Rosa Quintana, compareceu esta tarde no Pleno do Parlamento para dar conta do Plan de Prevención e Defensa contra os Incendios Forestais de Galicia (PLADIGA).

Segundo explicou, os tres eixos fundamentais de traballo desta planificación son os seguintes: En primeiro lugar, o avance na coordinación e apoio entre administracións, especialmente coas municipais, para o que se dispoñen máis de 19 millóns de euros. En segundo termo, o aumento na profesionalización do dispositivo, cun aumento do volume de persoal funcionario e laboral fixo e fixo discontinuo da Xunta nun 22% en relación co pasado ano. En terceiro lugar, a mellora da concienciación e disuasión mediante a aplicación de medidas punitivas firmes, da disposición de medios como a videovixilancia dos montes e da participación social na prevención.

A conselleira do Medio Rural iniciou no principal obxectivo deste plan, que pasa por reducir ao mínimo posible os danos ecolóxicos, económicos e sociais producidos polos lumes forestais, dentro dos recursos dispoñibles.

Para lograr este fin xenérico, o plan incorpora tres tipos de medios: Os propios da Xunta, os da Administración Local e os do Ministerio de Agricultura, Alimentación e Medio Ambiente. Se fose preciso, o Pladiga tamén prevé a existencia de apoios puntuais de medios das comunidades autónomas fronteirizas con Galicia.

Rosa Quintana detallou os medios humanos e materiais do Pladiga 2013. Con respecto aos primeiros, indicou que o dispositivo estará composto por 5.708 persoas, reforzado por persoal do Ministerio, do Exército e dos Corpos e Forzas de Seguridade do Estado ata completar un operativo de máis de 7.000 efectivos. En relación cos materiais, destacou que se vai contar con 32 medios aéreos e 358 motobombas, aos que se engaden cisternas, palas e outros vehículos.

Mando único

A titular de Medio Rural e Mar fixo especial fincapé na existencia dun mando único para todo este operativo, que fai que a procedencia do persoal sexa indiferente, xa que se garante unha axeitada coordinación.

En relación coa planificación e as accións contidas no Pladiga, a conselleira detallou que se estruturan en catro apartados: Plan de prevención; Plan de detección, disuasión e investigación; Plan de formación e Plan de Extinción.

Sobre o Plan de prevención, as actuacións teñen dous referentes, poboación e territorio. Canto ao primeiro, destacan accións como a regulación das autorizacións e comunicacións de queimas –prohibidas desde hoxe mesmo–, as relativas á educación ambiental, a posta en marcha dun sistema de alerta preventiva ou o endurecemento da normativa.

No tinxinte ás accións dirixidas ao territorio estarían as de compoñente produtivo e de xestión forestal, o control selectivo do combustible forestal e a construción e mantemento das infraestruturas preventivas de defensa.

Colaboración cos concellos

Tamén dentro deste eido da prevención, a conselleira incidiu na colaboración e coordinación coas diferentes administracións, en especial a local. Así, lembrou os diferentes convenios asinados cos concellos en materia de loita contra os incendios, caso dos relativos ás Ordenanzas Tipo para a xestión da biomasa en terreos de natureza urbana ou de núcleos rurais e dun modelo de Bando Municipal. Tamén, o convenio entre Xunta, Fegamp e deputacións en materia de emerxencias, para a creación e implantación dos Grupos de Emerxencia Supramunicipais. Ademais, falou dos acordos coas entidades locais para a realización de tratamentos preventivos en vías e camiños de titularidade municipal ou a súa participación na prevención e defensa mediante a actuación de brigadas específicas.

Neste sentido, Rosa Quintana aclarou que a reactivación desta vía de colaboración cos concellos produciuse “tras unha amplísima petición de moitos alcaldes e alcaldesas”.

A conselleira destacou, ao tempo, as liñas de colaboración abertas coa sociedade civil e tamén as axudas e subvencións para a prevención e defensa en comunidades de montes en man común e para o fomento da silvicultura en bosques no medio rural. Destas últimas salientou que –como novidade este ano– vaise fomentar a diversificación do uso do monte mediante a achega de fondos para a plantación de soutos para a produción de castaña e recuperación de soutos tradicionais produtores de castaña.

En relación coa detección, disuasión e investigación, a titular de Medio Rural e Mar fixo referencia á novidade que supoñen diversas melloras tecnolóxicas, como o uso de cámaras térmicas ou os ensaios con cámaras que estudan a dispersión da luz entre columnas de fume e con globos aerostáticos e avións e helicópteros non tripulados.

Sobre a formación, a conselleira dixo que é unha actividade imprescindible que reforza e mellora a profesionalización do persoal e por último, no que atinxe á extinción, sinalou que estes traballos fanse de acordo cos principios de intervención rápida, acción de conxunto e concentración de esforzos.

O DISPOSITIVO DE LOITA CONTRA OS INCENDIOS FORESTAIS SERÁ ESTE ANO SIMILAR AO DE 2012 EN CANTO A NÚMERO DE EFECTIVOS

      

§        Así o explicou no Parlamento o secretario xeral do Medio Rural e Montes, quen indicou que cambia a forma de dotación do reforzo de 275 brigadas de campaña, que pasa de encomenda de xestión Tragsa a convenios de colaboración cos concellos

§        Tomás Fernández-Couto deu conta tamén do procedemento a seguir no outorgamento das axudas á reforestación e lembrou que por parte da Xunta se está a realizar un control de calidade adicional destas subvencións, para comprobar novamente que as actuacións obxecto do investimento subvencionado están executadas

O dispositivo de loita contra os incendios forestais deste ano é similar en liñas xerais ao de 2012 en canto a número de efectivos. Cambia a forma de dotación do reforzo de 275 brigadas de campaña, que pasa de encomenda de xestión Tragsa a convenios de colaboración cos concellos. Así o explicou hoxe no Parlamento o secretario xeral do Medio Rural e Montes, Tomás Fernández-Couto.

Fernández-Couto puntualizou, ademais, que a encomenda de xestión Seaga mantense igual que no 2012, con 125 brigadas de persoal fixo-discontinuo desta empresa pública. Así pois, o reforzo de brigadas na tempada de risco alto non se realiza vía encomenda Tragsa senón a través de convenios de colaboración cos municipios.

Neste sentido, o secretario xeral lembrou que os concellos tamén teñen atribuídas competencias en materia de prevención de lumes, a teor de varias disposicións normativas, entre elas a Lei 3/2007, de 9 de abril, aprobada polo bipartito. En todo caso, advertiu que se mantén o principio de mando único nas accións de extinción –non así nos seus labores normais de desbroce–, xa que estas brigadas se integran dentro do dispositivo de extinción de incendios da Consellería do Medio Rural e do Mar.

Coordinación

Tamén en relación con este asunto, Fernández-Couto sinalou que a colaboración entre a Xunta e os municipios enmárcase no ámbito da coordinación e apoio entre administracións, que ven estipulada pola normativa vixente.

No que atinxe á campaña deste ano, o secretario xeral destacou desta colaboración os convenios para a creación e implantación dos grupos de emerxencia supramunicpiais, por un lado, e os destinados á prevención e defensa contra incendios mediante a actuación de brigadas de prevención e defensa, por outra banda.

Tomás Fernández-Couto informou tamén no Parlamento sobre a adquisición de motobombas por parte da Consellería, para reforzar os medios de loita contra o lume. Dixo que o departamento que dirixe Rosa Quintana ten previsto adquirir un mínimo de 14 motobombas, que serán cedidas a outros tantos concellos en función dunha serie de requisitos e mediante uns criterios obxectivos de baremo. Entre eles, a inclusión dos municipios en Zonas de Alto Risco, a antigüidade das súas motobombas ou a colaboración que mantiveran nos últimos anos coa Consellería en materia de prevención e defensa contra incendios forestais.

Lei cadea alimentaria

En relación coa futura lei da cadea alimentaria, o secretario xeral do Medo Rural e Montes advertiu que a Xunta foi pioneira á hora de instrumentar e cristalizar unha proposta –de acordo coas organizacións profesionais agrarias– a prol de contemplar o custe de produción como elemento básico na construción de prezos. Non obstante, advertiu que existe “un informe devastador do Tribunal da Competencia que di que establecer un prezo mínimo é ilegal” e que cómpre respectar a normativa.

Fernández-Couto reiterou que a Xunta nunca falou de acadar un prezo determinado para o leite nin se recolle no acordo coas organizacións profesionais agrarias prezo algún, xa que sería ilegal e podería ser sancionado pola Comisión Nacional da Competencia. Engadiu que o Goberno galego sempre falou de acadar un prezo por riba dos custes de produción. Neste mesmo sentido lembrou que a única vez que o bipartito falou de prezos e artellou un acordo para subilos foi no caso do mexillón e isto trouxo como resultado unha sanción de 3,9 millóns de euros, precisamente por incumprir a normativa sobre competencia.

O secretario xeral defendeu a figura do mediador –que está a impulsar a Xunta– como alternativa para incorporar no texto definitivo da lei, así como o reforzo do papel da Interprofesional Láctea na construción da cadea de valor do produto.

Axudas á forestación

Por outra parte, o secretario xeral do Medio Rural e Montes deu conta do procedemento a seguir no outorgamento das axudas á forestación. Detallou os diferentes regulamentos comunitarios e normas autonómicas que regulan estas subvencións, así coma os pasos que se seguen na súa tramitación, dende a publicación das bases ata o pagamento dos traballos executados.

Neste sentido indicou que, dos expedientes solicitados recentemente polo xulgado de Corcubión por un presunto fraude en relación coas axudas para forestación, a maior parte dos pagados (32 en total) corresponden a expedientes tramitados ao abeiro das ordes 2007 e 2008, sendo tan só 9 os pagados da orde do ano 2009. Algo semellante ocorre cos expedientes pagados das axudas para silvicultura, que foron 6 da orde do ano 2008 e 3 da do 2010.

Preguntado sobre as xestións da Xunta en relación con este asunto, Fernández-Couto lembrou que –ademais de remitir toda a documentación solicitada pola Xustiza– se está a realizar un control de calidade adicional, por persoal técnico, sobre todos estes expedientes, que previamente xa foron revisados, para comprobar novamente que as actuacións obxecto do investimento subvencionado están executadas. Engadiu que a Xunta se personou no procedemento, xa que é a primeira interesada en que se clarifique o ocorrido.

A COLABORACIÓN ENTRE A XUNTA E OS CONCELLOS CONTRA O LUME NOS MONTES PERMITIRÁ AMPLIAR O DISPOSITIVO CON ATA 275 NOVAS BRIGADAS MUNICIPAIS

  

§      Así o destacou a conselleira do Medio Rural e do Mar, tras reunirse co presidente da Federación Galega de Municipios e Provincias (Fegamp) para coordinar os traballos dun operativo que responderá ao mando único da Xunta

§      O Goberno galego achegará máis de 21 millóns de euros en axudas para labores de silvicultura e reforestación

A Xunta e os concellos galegos colaborarán na loita contra os incendios forestais completando o dispositivo anti-incendios propio da Administración autonómica con ata 275 novas brigadas municipais neste verán, que responderán ao mando único do Goberno galego. Así o destacou hoxe a conselleira do Medio Rural e do Mar, Rosa Quintana, tras reunirse co presidente da Federación Galega de Municipios e Provincias (Fegamp), José Manuel Rey, para coordinar estes traballos. Unha xuntanza na que tamén participou o secretario xeral do Medio Rural e Montes, Tomás Fernández-Couto.

Rosa Quintana destacou que “todos os concellos están coa mesma sensibilidade que a Xunta” para facer fronte a esta lacra e que existe unha “excelente coordinación” entre administracións. Unha coordinación que xa se veu acreditando coa formación dos grupos de Emerxencia por toda Galicia “e agora tamén coas brigadas que van facer prevención”, engadiu.

A Xunta e os municipios están a ultimar os correspondentes convenios que permitirán completar o dispositivo e que se asinarán nas vindeiras semanas. A través de cada convenio, a Administración autonómica aportará un mínimo do 75% do custe de cada brigada. A conselleira agradeceu o compromiso do presidente da Fegamp e dixo que esta colaboración “vai cambiar tamén un pouco a imaxe da ordenación do noso territorio, xa que imos tentar que todas as franxas que bordean os núcleos rurais e os núcleos urbanos se manteñan limpas”.

Silvicultura e reforestación

A conselleira do Medio Rural e do Mar anunciou tamén hoxe que a Xunta achegará entre este ano e o que ven máis de 21 millóns de euros en axudas para financiar traballos de silvicultura e reforestación nos montes galegos. No primeiro caso –para labores de silvicultura– o importe das subvencións, que se convocarán este mesmo ano, superará os 6 millóns de euros. Para reforestación as axudas sairán entre este ano e o que ven e o seu importe se situará arredor dos 15 millóns de euros.

Neste contexto, a conselleira explicou que con estas e outras actuacións que se poidan poñer en marcha –como a plantación de castiñeiros e o aproveitamento dos xa existentes– “intentaremos actuar sobre unha superficie de unhas mil hectáreas de terreo", polo que se amosou convencida de que neste ámbito “vai haber un antes e un despois en Galicia”.

NOTA DE PRENSA  DA FEDERACIÓN GALEGA DE CAZA

LUMES Medio Rural e a FGC asinan un convenio de colaboración para a prevención e extinción dos incendios forestais Federación | 5/3/2013 Firmábase onte en Santiago de Compostela O Presidente da Federación Galega de Caza, Javier Nogueira, e o Secretario Xeral de Medio Rural e Montes, Tomás Fernández-Couto, mantiñan onte unha xuntanza amadriñada pola Conselleira do Medio Rural e do Mar, Rosa Quintana, onde rubricaban o convenio no que veñen traballando nos últimos meses. Mediante este acordo, que estará vixente ata o vindeiro 31 de decembro do presente ano, a Federación Galega de Caza comprométese a levar a cabo tarefas de divulgación das distintas medidas preventivas dos incendios forestais entre os cazadores federados, informar á Consellería de calquera situación que puidese ser importante para a prevención e loita contra o lume, e en definitiva colaborar activamente cos distintos servizos e forzas implicadas na prevención e defensa dos incendios forestais. A Consellería comprométese, pola súa banda, a formar aos cazadores e sociedades de caza sobre todas aquelas accións de prevención e defensa contra os incendios que poidan levar a cabo, organizando xuntanzas e coordinando protocolos de actuación e comunicación. Así mesmo tentará coordinar, a través do distritos forestais e as sociedades de caza, medidas de mellora de hábitat que poidan contribuír á prevención e minoración dos efectos do lume. Unha vez rematado o acto, o Secretario Xeral do Medio Rural e o Presidente da Federación Galega de Caza fixeron unha valoración positiva da firma deste convenio, xa que ven a poñer en valor o coñecemento do monte por parte dos cazadores e a contribución destes para unha mellor convivencia no espazo natural do que disfrutan. Representantes de ambas entidades velarán polo bo cumprimento deste convenio que sen dúbida será un apoio importante na loita contra esta importante lacra.

Descargar copia do convenio asinado en:

http://www.federaciongalegadecaza.com/lexislacion.php?sec=medio&doc=convenio-incendios-2013

Se ves lume ou calquera outro incidente relacionado con el chama ao 085

MEDIO RURAL E MAR E A FEDERACIÓN GALEGA DE CAZA TRABALLARÁN XUNTAS NA PREVENCIÓN E DEFENSA CONTRA OS INCENDIOS FORESTAIS

      

§        A titular do departamento autonómico e o presidente da Federación asinaron hoxe un convenio de colaboración

A Consellería do Medio Rural e do Mar e a Federación Galega de Caza traballarán xuntas na prevención e defensa contra os incendios forestais na nosa Comunidade, mediante accións preventivas sobre a poboación e o territorio. Así o recolle o convenio de colaboración asinado hoxe entre a titular do departamento autonómico, Rosa Quintana, e o presidente da Federación, Javier Nogueira.

O obxectivo deste convenio -con vixencia ata o vindeiro 31 de decembro de 2013- céntrase na realización de actividades de prevención e defensa contra incendios forestais a través de tarefas de detección, vixilancia e disuasión a desenvolver polos servizos de vixilancia dos Terreos cinexeticamente ordenados (Tecor). A finalidade común é a de divulgar e concienciar do risco dos lumes, minorar o número de incendios e levar a cabo un rápido control dos mesmos.

Compromisos

Deste xeito, a Federación Galega de Caza comprométese a realizar labores de información e divulgación das medidas preventivas de incendios forestais entre os seus afiliados, emitindo informes cando existan conflitos de intereses que puideran dar lugar a incendios e colaborando cos medios dos Servizos de Prevención e Defensa contra Incendios Forestais, distritos forestais e Corpos e Forzas de Seguridade do Estado. Así mesmo, este organismo proporá actuacións de silvicultura preventiva e de defensa en puntos de auga, viais e todas aqueles puntos que a Federación considere de importancia para o desenvolvemento axeitado da actividade cinexética e para a defensa do monte.

Pola súa parte, a Consellería impartirá formación aos colectivos de cazadores -incluídos os titulares e xestores dos Tecor- sobre o conxunto das accións preventivas e de defensa contemplados no Plan de Prevención e Defensa contra os Incendios Forestais de Galicia, convocando reunións para coordinar e priorizar actuacións e establecendo un protocolo de funcionamento e comunicación.

Comisión de seguimento

Co fin de velar pola execución do presente convenio, crearase unha comisión de seguimento presidida polo secretario xeral de Medio Rural e Montes, polo subdirector xeral de Prevención e Defensa contra os Incendios Forestais, polo presidente da Federación Galega de Caza e por outro representante da mesma.

A conselleira do Medio Rural e do Mar, Rosa Quintana, visitou en Castro de Rei unha das zonas nas que se están a desenvolver os labores de prevención que realizan

MÁIS DE SEISCENTAS PERSOAS INCORPÓRANSE HOXE COMO FIXOS DISCONTINUOS AO OPERATIVO DA XUNTA PARA A LOITA CONTRA O LUME

      

§        Este colectivo profesional da Consellería do Medio Rural e do Mar súmase ao operativo todos os anos nestas datas previas á tempada de maior risco, que coincide co verán

§        O persoal propio da Xunta que integra o Servizo de Prevención e Defensa contra os Incendios Forestais (SPDCIF) sitúase nos 1.500 profesionais

Santiago, 1 de marzo de 2013.- Hoxe venres dá comezo o despregue correspondente á precampaña de loita contra os incendios forestais en Galicia, coa incorporación de máis de 600 persoas ao dispositivo da Xunta, como persoal propio fixo-discontinuo. Este colectivo profesional da Consellería do Medio Rural e do Mar súmase ao operativo todos os anos nestas datas previas á tempada de maior risco, que coincide co verán. Esta mañá a conselleira do Medio Rural e do Mar, Rosa Quintana, acompañada polo secretario xeral de Medio Rural e Montes, Tomás Fernández-Couto, visitou en Castro de Rei unha das zonas nas que se están a desenvolver os labores de prevención que realizan estes brigadas.

Segundo sinalou a titular de Medio Rural e Mar, a contratación destes efectivos para estas tarefas de prevención e defensa contra os incendios forestais faise efectiva dende agora e ata mediados do vindeiro mes de novembro, nove meses en total. Deste xeito, indicou Rosa Quintana, refórzase o traballo que desenvolve durante todo o ano o persoal laboral fixo da Administración Autonómica, que supera as 800 persoas.

Así pois, contando ambas modalidades contractuais (fixos e fixos-discontinuos), o persoal propio da Xunta que integra o Servizo de Prevención e Defensa contra os Incendios Forestais (SPDCIF) sitúase nos 1.500 profesionais.

Brigadas

Os máis de seiscentos traballadores fixos-discontinuos que hoxe inician a súa actividade integran un total de 61 brigadas (con 7 membros cada unha), aos que se engaden 85 condutores de motobomba, 51 emisoristas e 40 vixilantes fixos.

O persoal fixo distribúese noutras 82 brigadas, sendo outros tantos os condutores de motobomba, xunto con 54 emisoristas e 60 vixilantes fixos.

Xa que logo, o Servizo está conformado por 143 brigadas, 167 condutores de motobomba, 105 emisoristas e 100 vixilantes fixos.

SEO/BirdLife y PROFOR piden un cambio en la estrategia de lucha contra el fuego en la cordillera Cantábrica

Ante la ola de incendios en la cordillera cantábrica 

• La nueva ola de incendios que ha asolado los montes del norte de España obligan a una profunda reflexión sobre las políticas de lucha contra el fuego de las Administraciones regionales. 

• Una veintena de entidades conservacionistas, ganaderas y de desarrollo sostenible proponen un Plan de Gestión del riesgo de incendio basado en la prevención.

Un año más y coincidiendo con altas temperaturas y vientos del sur, brotan en los montes de la cordillera cantábrica numerosos incendios cuyo origen mayoritariamente está en las quemas del matorral destinadas a la generación de pastos o, a un modo mal entendido, de mantener limpios los montes. Esta es la singularidad de los fuegos en la cordillera cantábrica que a diferencia de los fuegos que se producen en el resto de España ocurren en los meses invernales. 

Tal y como muestran las cifras oficiales, lejos de disminuir, los montes cada año sufren un número mayor de incendios. Según el Ministerio de Medio Ambiente tan sólo en 2010 se produjeron en Asturias y Cantabria 2.626 incendios que destruyeron 14.612 hectáreas de suelo forestal. Pero la principal amenaza de estos incendios no se deriva de las enormes superficies afectadas, sino la recurrencia con que determinados ecosistemas se ven afectados por el fuego. Estos fuegos desgraciadamente tienen consecuencias importantes sobre la biodiversidad y el suelo y no hacen sino acelerar los procesos de erosión y pérdida de suelo, además de originar una degradación paulatina del monte. Especies en peligro de extinción como el oso pardo y el urogallo cantábrico se están viendo afectados por estos fuegos sobretodo en Asturias y León. 

Otros efectos también muy nocivos son la contaminación atmosférica debido a la gran cantidad de CO2 que emiten estos incendios y el enturbamiento de los ríos, con sus consecuencias sobre especies tan emblemáticas como es el Salmón atlántico. 
Estrategia basada en la prevención 

Debe hacerse un esfuerzo mayor en la prevención y no destinar la mayoría de fondos al modelo actual basado en la extinción. Esta nueva estrategia debe centrarse en incidir en las causas estructurales de los incendios forestales que tienen que ver sobretodo con los aprovechamientos ganaderos de nuestros montes y el arraigo cultural de estas prácticas. Deben introducirse nuevos conceptos que incluyan por ejemplo al fuego como elemento de gestión del territorio y así acabar con el uso incontrolado y clandestino que tan malas consecuencias nos está trayendo. 

Para Felipe González, de SEO/BirdLife: “Estamos convencidos de que si los habitantes de los montes de la cordillera cantábrica jugaran un papel central en el nuevo modelo de lucha contra el fuego se pondría fin a esta catástrofe ambiental que año tras año se produce en nuestra cordillera”. 

Elías Bayarri, presidente de PROFOR, Asociación de profesionales forestales de España, comenta “Es necesaria una reflexión profunda en la sociedad que permita sentar las bases para el trabajo conjunto y coordinado de todos los actores implicados: administración, ganaderos, habitantes del mundo rural, ONG de conservación y ciudadanos en general”. 

Los planes de Energías Renovables primer instrumento de lucha contra los incendios forestales 
SEO/BirdLife y PROFOR han redactado un manifiesto para que sirva como base para la redacción de los Planes de Gestión del riesgo de incendio de las diferentes CCAA y que parta de la filosofía de integración del uso del fuego en las estrategias de prevención y extinción de los incendios forestales, promoviendo sus efectos positivos (a través de las quemas controladas y la convivencia con las formas tradicionales de uso del fuego) y reduciendo sus impactos negativos.

El documento contiene una veintena de medidas que buscan un aprovechamiento sostenible de los montes fomentando medidas que conduzcan a la disminución de la carga de combustible, por ejemplo a través del fomento del pastoreo extensivo con la creación de “rebaños bombero” o de su aprovechamiento energético en centrales de biomasa, por lo que los planes de Energías Renovables de las comunidades autónomas deberían de ser, sin duda, el primer instrumento de lucha contra los incendios forestales. 

Reforzar la prevención en las zonas con más riesgo 
Se da la circunstancia que en el occidente de la cordillera cantábrica muchos fuegos están ocurriendo en zonas muy despobladas donde sus habitantes utilizan los fuegos como método de limpieza de los montes por lo que habría que incidir en hacer estos trabajos de limpieza en los alrededores de los pueblos y caminos rurales que son las zonas donde mayoritariamente se inician muchos de los incendios. 

*El manifiesto has sido redactado por Elias Bayarri, presidente de PROFOR ((Asociación de profesionales forestales de España) y SEO/BirdLife, y cuenta con el apoyo de las siguiente entidades: 

De carácter ambiental y científico: 
Ecologistas en Acción, Greenpeace, Fundación Oso Pardo (FOP), FAPAS, Fundación Naturaleza y Hombre (FNYH), Asociación para la conservación del Urogallo (ACU), Grupo para la Recuperación de Costa Quebrada, Asociación de Ciencias Ambientales 

Organizaciones ganaderas, forestales y de desarrollo rural sostenible: 
Federación Estatal de Pastores, Foro Asturias Sostenible para el conocimiento y desarrollo del medio rural (FAS), Asociación de Ganaderos Trashumantes de Asturias-GEA (Ganadería Extensiva de Asturias), Asociación RedMontañas, Ecoacsa Reserva de Biodiversidad, Asociación Concejo de la Mesta, Asociación Trashumancia y Naturaleza, Asociación Concejo Tres Mares, Asociación Tudanca, Observatorio para una Cultura del Territorio, Fundación EDE, Confederación de propietarios forestales, Selvired (INIA), Unión Nacional de Asociaciones de Caza (UNAC), UNITEGA.