ELECCIÓNS OURENSE

Antonio García Reinoso proclamouse presidente

Federación |

18/4/2013 García Reinoso, unha persoa moi vinculada coa FGC O pasado 1 de marzo, a Asemblea Xeral da Federación Galega de Caza en Ourense daba luz verde ao acordo polo que se convocaba un novo proceso electoral para a elección do seu presidente provincial. En data do 15 de abril, reunida a Xunta Electoral na sede da Federación Galega de Caza en Ourense certificábase a proclamación, do único candidato a presidencia, de Antonio García Reinoso como novo presidente provincial da FGC en Ourense. Desconvocándose deste xeito a asemblea de votación que tería lugar o vindeiro 4 de maio. Ex–presidente do Tecor ourensán de O Irixo, García Reinoso foi, dende sempre, unha persoa moi vinculada a Federación, tanto a nivel autonómica como provincial. Substituíndo no cargo a José Luis Leites que, durante moitos anos, exerceu con traballo e entrega a presidencia da Federación ourensá. Galicia Cinexética, no vindeiro número de xuño, publicará unha entrevista co novo presidente na cal os lectores poderán coñecer máis de preto a este cazador que afronta a presidencia da Federación de Ourense con moita ilusión e dedicación.

Gabinete de Comunicación
Federación Galega de Caza