Participaron 34
equipos e pilláronse 5 individuos
O EQUIPO “CASELAS III” NOVO CAMPIÓN
PROVINCIAL DE PONTEVEDRA DE CAZA DO RAPOSO
____________________________
* Fornelos de Montes
(Pontevedra).- Texto e Fotos: Luís MACÍAS
A vila de montañesa de Fornelos
de Montes acolleu o pasado sábado, dia 21 de xaneiro, o XXIV Campionato
Provincial de Caza de Raposo. Torneo organizado Federación Galega de Caza en
Pontevedra, a que contou co apoio do Concello anfitrión e coa colaboración das
sociedades venatorias: “Fornelense”, “Coto Suído” “A Covelense” “ A
Mondarizana” e “A Laxe”, as que cederon xentilmente os seus terreos cinexéticos
para poder levar a bo fin este torneo, calsificatorio para o Autonómico da
especialidade, que contou cunha participación de 340 deportistas da escopeta, entre
cazadores e xuíces de campo o que pon de manifesto o gran poder de chamada, de
convocatoria, que ten esta disciplina na
provincia pontevedresa.
A concentración dos 34 equipos levouse a cabo a no Pavillón de Fornelos de
Montes, centro neurálxico do Campionato, ao que foron chegando os cazadores despois
das 7,30 da mañá. Deportistas que logo do sorteo saían para os xeados cazadeiros,
nunha mañá xélida, comezando o exercicio, tal e como estaba previsto, ás 9 h. e
rematando ás 13,30 da tarde. Un total de 270 minutos de andaina polo monte nos
que se levantaron un total de 23 zorros e se capturaron 5 individuos.
CLASIFICACIÓN
Os xefes de cuadrilla amosando o número que lles tocou no sorteo |
1º e campión, equipo “Caselas
III”, con 500 puntos.
2º e subcampión, “Silleda II”,
tamén con 500 puntos.
3º, “Tomiñesa II”, igualmente
con 500 puntos
4º, “Tomiñesa
I”, mesmos punto co anterior
Estes catro
representarán a provincia de Pontevedra na fase autonómica da modalidade. Mentas
o grupo, “Lanzada II”, clasificouse no quinto posto.
Vista da Mesa Presidencial |
CLAUSURA
A cerimonia da entrega de
premios e agasallos, así como o acto de Clausura, levouse a cabo o remate dun
xantar de confraternidade celebrado no mesmo Pavillón de Fornelos de Montes,
asistindo máis de 400 comensais, entre os
que se atopaban diversas autoridades locais, provinciais e autonómicas, que arrouparon
coa súa presenza esta proba venatoria. Algunhas delas fixeron uso da palabra ao
remate da manduca, poñendo de manifesto a satisfacción que lle producía “o gran
ambiente e o compañeirismo vivido”, a vez que felicitaron os gañadores polos
resultados acadados.
Comentar tamén, que o remate da
cacería escoitáronse algunhas queixas, se é que se lle pode chamar así, referente
os poucos raposos cazados, “culpando” do ocorrido a coellos, corzos e xabarils.
Neste senso, o mandamais da caza locataria, Adolfo Limes, aseguraba ter no
couto bastante caza maior “e elo, dixo, pudo influír nos resultados” pois os
cans poñen máis interese no corzo e no porco bravo que no raposo, pero nunca
pensei que as capturas fosen tan poucas”.
Pola súa banda, o xefe da
cuadrilla vencedora, Marcos Martínez, amosouse moi contento con triunfo “aínda
que o de quedar primeiro foi por sorte”, e falou dun “escenario difícil, con
monte alto e moito coello”, concretou.
Dicir por último, que o
desenrolo deste importante torneo
cinexético foi recollido polas cámaras da Produtora “Lumavisión Galicia”, polo
que proximamente poderemos ver unha ampla reportaxe en varias canles de televisión, así como na
páxina Web da Federación Galega de Caza.
G R Á F I C A S
No hay comentarios:
Publicar un comentario