O OURENSÁN JAIME PINTOS, CON DÚAS PEZAS,
CONQUISTA EN BALTAR O XXI CAMPIONATO GALEGO DE CAZA DE ARCEA
* Baltar (Ourense).- Texto
e Fotos: Luís MACÍAS
O frío das primeiras horas da
mañá (logo luciu un sol que se agradeceu), a nobreza competitiva e un ambiente
de gala, marcaron o XXI Campionato Galego de Caza de Arcea celebrado o día 17
(sábado) do pasado mes de decembro no “tecor” ourensá de Baltar, no que participaron 21
especialistas previamente clasificados nos respectivos provinciais, mailo
campión da pasada edición, o cedeirán
Favián Barge, quen non pudo revalidar o cobizado titulo autonómico
que nesta ocasión foi conquistado polo cazador de Vilar de Barrio (Ourense), Jaime
Pintos Dávila, o que contou co fenomenal traballo do seu setter inglés, “Hidra
de Pasarín”, entrando no posto de control ás 12,42 h. con dúas pezas que lle valeron
1.000 puntos, máxima cualificación no
taboleiro de marcas.
Preparados para comezala proba |
A concentración (7,30 h.) tería
lugar no “Café Gran Vía” da capitalidade municipal baltareña e competición disputouse entre as 9 da mañá e as
2 da tarde, baixo a organización da
Federación Galega de Caza e a sociedade cinexética locataria que non só cedeu o escenario
competitivo, senón que colaborou activamente no evento. O punto de saída,
entrada e de avituallamento quedou fixado no lugar de Quintá (xunto a capela de
San Xoán), na parroquia de Sampaio, achegándose ata alí moitos lugareños e
curiosos para seguir o desenvolvemento dun Campionato que estivo dirixido polo federativo, Manuel Feijóo
Castro e transcurriu baixo un manto de amizade e deportividade excelente e
nunhos terreos que foron cualificados polos protagonistas de “fenomenais” para
exercer esta disciplina.
CLASIFICACIÓN
1º e campión, Jaime Pintos Dávila
(Vilar de Barrio / Ourense), con 2 arceas e 1.000 puntos. Cazou can, como
dixemos, “Hydra de Pasarín” (SI/F).
2º e subcampión, Jesús Muñoz
Martínez (Viana do Bolo / Ourense), 1 peza e 500 puntos. Auxiliouse de “Indio
de Castrocán” (SI/M).
3º, Artemio Formoso Barro (Os
Blancos / Ourense), 1 arcea e 500 puntos. Cazou con “Tuka” (SI/F)
4º, José Aurelio Álvarez Álvarez
(Azor / Lugo), tamén cunha peza e 500 puntos.
Co cadelo “Pepe” (Cruce).
5º, Bernardo Traseira Rois (Carballido-Bóbeda
/ Lugo), 1 arcea e 500 puntos. Cazou con “Piti de Bosende” (SI/M).
Campión recollendo a placa acreditativa |
Concluída a proba levouse a cabo o tradicional
xantar de confraternidade e de clausura no que estiveron presentes diversas
autoridades locais, co seu Alcalde, José Antonio Fejóo, ao fronte. A Directora
Xeral do Patrimonio Natural da Comunidade Autónoma Galega (antes Conservación
da Natureza), Ana Mª Díaz López, e a Xefa
Territorial en Ourense desta mesma Dirección, María Victoria Núñez, entre ouros
políticos. Mentres por parte da Federación facíao a máximo mandatario, Xavier
Nogueira Diz, así como Abel Andrés Otero, tesoureiro; Ramón Covas, secretario
xeral e Antonio García Reinoso,
Presidente de la F.G .C.
en Ourense, o igual que outros federativos como Luís Fidalgo, que como veterinario
foi o encargado de analizalas arceas cazadas, ou Xosé Castro Rivela, que de
xeito xordo pero eficiente, sempre está onde se lle require.
O remate do extraordinario cocido
que foi servido no Restaurante “O Cepo” (bo produto, servizo amable e moita
limpeza), algunhas das autoridades presentes fixeron uso da palabra deixando
entrever boas novas para o colectivo, poñendo de manifesto Nogueira Diz, a
necesidade de facer algo para recuperar a tan minguada cazar menor e para que
se autoricen os chamados “collares de castigo” nos cadelos. Amosándose moi
receptiva e preocupada a Directora Xeral con estes e ouros problemas dos
cazadores nos que o seu departamento, segundo manifestou, vai poñer todo o interese para ver, na
maneira do posible, de arranxalos. Pola súa banda, o Alcalde, cazador tamén,
estaba satisfeito co acontecido, aínda que non así cos resultados que “puideron
ser mellores xa que arcea ai moita”, asegurou, non perdendo a oportunidade para
convidar a todos “a volver”.
Autoridades na Clausura |
Por último salientar, que o novo
Campión estaba más que satisfeito polo logro acadado “xa levaba varios anos
quedando cuarto e este ano xa saín da casa convencido de que, como pouco, tiña
que subir o podio”, comentou. Un Jaime Pintos que viu tres arceas e disparoulle
ás dúas que capturou cando o reloxo marcaba as 10,25 e as 11,33. Tamén, que un
grupo de féminas de diferentes puntos de Galicia, Carmen, María, Fini e Noelia,
non quixeron perder o acontecemento para acompañar e animar os seus “sacrificados”
compañeiros, e alí estiveron tan tensas como nerviosas pendentes de toda nova
que chegaba relacionada co exercicio venatorio.
=
= = = = = = = = =
No hay comentarios:
Publicar un comentario