1º CURSO DE XUÍCES AUTONÓMICOS DE PESCA

Cumprindo o acordado na Xunta Xeral Ordinaria da Federación Galega de Pesca, queda convocado o 1º Curso de Xuíces autonómicos para os vindeiros días 24 e 25 de Marzo de 2012.

O curso constará de 5 probas, as cales corresponden ás seguintes materias: normas xenéricas, reglamento de xuíces, probas físicas (obrigatorio roupa de deporte), modalidade correspondente e recoñecemento de especies.

Toda a documentación necesaria estará a disposición dos interesados nesta web.

O custo deste curso é de 125€ por persoa e inclúe:

-          Presentarse ás probas en dúas modalidades deportivas (cada modalidade adicional terá un custo de 20€).

-          Cea do sábado noite.

-          Hotel a noite do sábado.

-          Almorzo e comida do domingo.

O curso desenvolverase nas instalacións do Hotel Santa Lucía** (Ctra.Santiago-Ourense Km,2  Santiago de Compostela), onde terá lugar a presentación o sábado 24 de marzo ás 16:30 horas.

Para poder realizar o curso, é necesario enviar  antes do día 19 de marzo a folla de inscrición debidamente cumprimentada, acompañada dun certificado psicotécnico ou fotocopia do carné de conducir e o xustificante do ingreso do importe do curso na conta da Federación Galega de Pesca.