FALECE UN BRIGADA ANTIINCENDIOS NUN LUME FORESTAL NO CONCELLO OURENSÁN DE CASTRELO DO VAL

§         Descoñécense polo momento as causas concretas do falecemento, que serán investigadas polas Forzas e Corpos de Seguridade do Estado

A Xunta de Galicia informa do falecemento, no desempeño das súas funcións, dun brigadista antiincendiosmentres realizaba labores de extinción dun lume na parroquia de Piornelo, no concello ourensán de Castrelodo Val. Descoñécense polo momento as causas concretas do falecemento, que serán investigadas polas Forzas e Corpos de Seguridade do Estado.

A Xunta de Galicia desexa manifestar a súa máis fonda condolencia aos familiares, amigos e compañeiros do falecido, así como facerlles partícipes do agradecemento de toda a sociedade galega polo labor que estaba a realiza e no que atopou, para desgraza de todos, o seu pasamento.

Incendio forestal

O lume arestora está activo. Iniciouse ás 13:35 horas e segundo estimacións provisionais a superficie afectada supera as 20 hectáreas.

Nos traballos de extinción deste incendio participan 1 técnico, 4 axentes forestais, 7 brigadas, 4 motobombas, 5 helicópteros e 6 avións.