ÁNGELES VÁZQUEZ DESTACA O TRABALLO DA D.O. RIBEIRO
QUE SE REFLEXA NUN INCREMENTO DUN 626% NAS SÚAS EXPORTACIÓNS NOS ÚLTIMOS ANOS
§
A conselleira do Medio Rural fixo
estas declaracións na gala de entrega dos Premios Ribeiro onde estivo
acompañada pola directora da Axencia de Turismo de Galicia, Nava Castro
§
A Xunta achegou entre 2012 e 2015 un total de 5,4
millóns de euros ao sector do viño para a súa promoción
Santiago.- A conselleira do Medio Rural,
Ángeles Vázquez, destacou hoxe o traballo
da D.O. Ribeiro que se reflexa no incremento dun 626% das exportacións nos
últimos anos. A conselleira realizou estas declaracións na gala de entrega dos
Premios Ribeiro onde estivo acompañada pola directora de Axencia de Turismo de
Galicia, Nava Castro. A entrega celebrouse no Mosteiro de San Clodio, no
municipio ourensán de Leiro.
Premiados e autoridades |
A titular de Medio Rural salientou que
o sector vitivinícola esperta un crecente interese tanto dende o punto de vista
dos elaboradores como do consumidor final. “Trátase dun ámbito que está a vivir
importantes avances tanto tecnolóxicos como comerciais, poñendo a Galicia no
mapa enolóxico mundial”, declarou Ángeles Vázquez. Lembrou ademais que estes
premios non son senón o recoñecemento de todo este traballo realizado e unha
forma de visibilizar o sector do viño en xeral e, concretamente, a Denominación
de Orixe Ribeiro.
Nesta mesma liña, a conselleira
destacou que o do viño é o sector agroindustrial galego máis exportador, e co
fin de manter esta posición, a Xunta achegou entre 2012 e 2015 un total de 5,4
millóns de euros para promover o sector. No caso da D.O. Ribeiro, foron máis de
2,5 millóns desde 2009
“O mundo da venda de viño é cada vez
máis competitivo e require ampliar os mercados para manter un nivel de crecemento
económico axeitado”, sinalou Vázquez, e engadiu que por iso, “a obtención de
beneficios nas adegas galegas implica buscar novos retos e crear non só un bo
produto, senón tamén as infraestruturas de venda máis axeitadas aos escenarios
globais nos que nos movemos”.
A Conselleira escoitando a un dos premisdos |
A conselleira destacou o labor desenvolvido
polos produtores, adegueiros, consellos reguladores, administración e
profesionais e animounos a ser quen de profesionalizar este sector, pois “ten
por diante un futuro moi esperanzador”.
D.O. Ribeiro
A denominación de Orixe Ribeiro conta con
de 5.812 viticultores e 107 industrias
que traballan 2.646 hectáreas de superficie da comunidade galega. Estas
industrias comercializan un volume de 8.427.600 litros e o seu valor estímase
en 25 millóns de euros.
No hay comentarios:
Publicar un comentario