JUAN CARLOS ARTECHE E NICOLASA GONZÁLEZ, CUARTOS NA COPA ESPAÑA DE SAN HUBERTO

A competición disputouse o pasado fin de semana na rioxaba vila de Alfaro

O pasado sábado, día 17 de setembro,  disputouse na localidade rioxana de Alfaro, a Copa España de Caza San Huberto, na que competían os deportistas da selección galega.

Na categoría masculina, o deportista de Palas de Rey (Lugo) Juan Carlos Arteche Castillo, que competía co setter inglés "Breco de Reinadama", quedaba cuarto no barrage.

O seginte día, o domingo, desenvolveuse  a final do Campionato de España de Donas e de Levantadores. En Donas, a flamante campiona galega, Nicolasa González Carrodeguas, de Narón (A Coruña), que competía co setter inglés "Jef de Caaveiro", acadaba tamén o cuarto posto da xeral, mentres que a súa compañeira Ana Arbiol (Palas de Rei-Lugo)  -campiona de España da edición anterior- non pasaba do quinto porto..

En levantadores, o cazador de Nigrán (Pontevedra), Victor Villar Fernández, que aparecía en tódolas quinielas entre os tres favoritos, co seu springer spaniel "Júpiter Estrellas de Tebra", tivo que conformarse co sexto posto.